کینئرڈ کالج بی ایس، ایم فل داخلوں کی آخری تاریخ اُنیس دسمبر مقرر

  • 185 Views
  • دسمبر 17, 2016 3:55 بجے PST

pag1-image
بی ایس آنرز کے پندرہ اور ایم فل کے چھ مضامین میں داخلوں کا اجراء ہوا ہے۔

لاہور

کینئرڈ کالج میں بی ایس آنرز میں داخلوں کے لیے طالبات کو ہدایات جاری کی گئی ہیں کہ وہ اپنے داخلہ فارم اُنیس دسمبر تک جمع کراسکتی ہیں۔ بی ایس آنرز کے پندرہ پروگرامز میں داخلوں کا اجراء کیا گیا ہے۔

ان ڈگریوں میں بائیو کیمسٹری، باٹنی، کیمسٹری، کمپیوٹر سائنس، اکنامکس، انگلش لینگوئج، اینوائرنمنٹل سائنسز، جغرافیہ، انٹرنیشل ریلیشنز، ایل ایل بی، ریاضی، فزکس، پولیٹیکل سائنس، اُردو اور زوالوجی کے مضامین شامل ہیں۔

کینئرڈ کالج نے دو سالہ ایم اے انگلش لینگوئج اینڈ ٹیچنگ میں بھی داخلوں کا اعلان کیا ہے۔

ان داخلوں کے ساتھ کینئرڈ کالج نے ایم فل کے چھ مضامین میں داخلوں کا بھی اعلان کیا ہے۔ ایم فل اپلائیڈ لینگوئسٹکس، ایم فل کمپیوٹر سائنس، ایم فل اینوائرنمنٹل سائنسز، ایم فل انٹرنیشنل ریلیشنز، ایم فل پولیٹیکل سائنس اور ایم فل شماریات شامل ہیں۔

کینئرڈ کالج داخلوں کی پہلی میرٹ لسٹ تیس دسمبر کو اپنی ویب سائٹ پر جاری کرے گا جبکہ مخصوص نشستوں پر داخلوں کے لیے انٹرویوز تین جنوری کو منعقد ہوں گے۔


تبصرہ کیجیے

آپ کا ای میل ایڈریس شائع نہیں کیا جائے گا.


error: Content is protected !!