اسلام آباد

ہائر ایجوکیشن کمیشن پاکستان کی ایکویلینس اینڈ ایکریڈیٹیشن کمیٹی نے شہادت العالیہ فی العلوم العربیہ والاسلامیہ کی سند کو بی اے ڈگری کے برابر تسلیم کر لیا گیا ہے۔

کمیٹی کی سفارشات پر شہادت العالیہ فی العلوم العربیہ والاسلامیہ کی سند رکھنے والے مدارس کے طلباء کو علامہ اقبال اوپن یونیورسٹی کے تحت بی اے کی انگریزی اور مطالعہ پاکستان کے مضمون کا امتحان پاس کرنا ہوگا۔

اس کے ساتھ ان طلباء کو انٹر بورڈ کمیٹی آف چیئرمینز سے ثانویہ عامہ اور ثانویہ خاصہ کی مساویت کا سرٹیفیکیٹ بھی حاصل کرنا ہوگا۔

کمیٹی نے یہ بھی فیصلہ کیا ہے کہ متعلقہ دینی نظام تعلیم کا بورڈ طلباء کو ثانویہ عامہ کورس میں اپنے ضوابط کے تحت داخلہ دے سکتے ہیں اور ایچ ای سی اب دینی اسناد رکھنے والے طلباء سے مڈل سکول کا سرٹیفیکٹ بھی طلب نہیں کرے گی۔

ایچ ای سی کی اس کمیٹی کا فیصلہ ہے کہ شہادت العالیہ کی ڈگری رکھنے والے طلباء اب کسی بھی منظور شدہ یونیورسٹی میں ایم اے کی ڈگری میں داخلہ لینے کے اہل ہوں گے۔