ورلڈ سکالرز کپ: پاک تُرک سکول کے 5 گولڈ اور 7 سلور میڈلز
- July 2, 2017 7:20 pm PST
![taleemizavia single page](https://taleemizavia.com.pk/wp-content/uploads/2017/07/position-1.jpg)
ویب ڈیسک
ویتنام میں ورلڈ سکالرز کپ کے مقابلے اختتام پذیر ہوگئے ہیں ان مقابلوں میں دُنیا بھر سے 50 ممالک کے 3 ہزار طلباء نے شرکت کی۔ یہ مقابلہ 26 جون سے یکم جولائی تک جاری رہے۔
پاکستان سے پاک تُرک سکول کے وفد نے ان مقابلوں میں حصہ لیا۔
طلباء کے درمیان سائنس، ٹیکنالوجی، آرٹ، میوزک اور تاریخ کے مضامین پر مبنی مقابلہ جات کرائے گئے۔
ان مقابلوں میں سکالرز رائٹنگز، سکالرز باؤلز اور سکالرز ڈیبیٹس کے مقابلے انتہائی دلچسپ رہے۔ پانچ روز تک جاری رہنے والے ان مقابلوں میں طلباء نے اپنی سُروں کے رنگ بھی بکھیرے اور گائیگی کے زبردست مقابلہ جات ہوئے۔
پاک تُرک سکول کے وفد نے مجموعی طور پر مقابلوں میں بہترین کارکردگی دکھائی جس پر انہیں 5 گولڈ میڈلز جبکہ 7 سلور میڈلز سے نوازا گیا۔