لاہور

یونیورسٹی آف سنٹرل پنجاب لاہور کے تحت ٹاکرہ کا انعقاد کیا جارہا ہے جس میں طلباء کے درمیان مختلف مقابلہ جات منعقد ہوں گے۔ اکیس فروری سے شروع ہونے والے ان مقابلہ جات میں پاکستان بھر سے پچاس تعلیمی اداروں کے طلباء شرکت کر رہے ہیں۔

طلباء کے درمیان تقریری مقابلہ جات، سپورٹس، پرفارمنگ آرٹس، میوزک، فوٹو گرافی، لاء موٹ، گیمنگ، فائن آرٹس، سائنس مقابلہ جات منعقد ہوں گے۔

یونیورسٹی آف سنٹرل پنجاب میں ان تقریبات کے دوران فیشن شو، قوالی نائٹ، ڈی جے نائٹ اور میوزیکل کنسرٹ بھی منعقد ہوگا۔ پانچ روزہ تقریبات میں شرکت کرنے کے خواہشمند طلباء کو ہدایات جاری کی گئی ہیں کہ وہ بیس فروری تک اپنی رجسٹریشن مکمل کرا لیں۔

لاہور کے علاوہ دیگر شہروں سے آنے والے طلباء وطالبات کے لیے رہائش کا انتظام بھی یونیورسٹی کی جانب سے کیا جائے گا۔

رجسٹریشن کے لیے فیس اور دیگر معلومات کے لیے ویب سائٹ پر تفصیلات دیکھی جاسکتی ہیں۔