لاہور

یونیورسٹی آف ہیلتھ سائنسز کی کنٹرولر امتحانات پروفیسر ڈاکٹر نور فاطمہ نے اپنے عہدے سے استعفیٰ دے دیا ہے اُن کے استعفیٰ کی حتمی منظوری گورنر پنجاب دیں گے۔

یونیورسٹی کے ذرائع نے بتایا ہے کہ کنٹرولر امتحانات پروفیسر ڈاکٹر نور فاطمہ نے ذاتی وجوہات کی بنا پر اپنے عہدے سے استعفیٰ دیا ہے۔ ڈاکٹر نور فاطمہ نے اپنے استعفیٰ میں کوئی پیشہ وارانہ مسائل کی نشاندہی نہیں کی اور نہ ہی کسی مجبوری کے تحت یہ استعفیٰ دیا ہے۔

ذرائع کا کہنا ہے کہ پروفیسر ڈاکٹر نور فاطمہ انتہائی ذمہ داری سے اپنے عہدے کے فرائض سر انجام دے رہی تھیں تاہم اُن کے استعفیٰ دینے کے بعد یونیورسٹی کو نئے کنٹرولر امتحانات کی تعیناتی میں وقت درکار ہوگا۔

گورنر پنجاب رفیق احمد رجوانہ کی منظوری کے بعد یونیورسٹی آف ہیلتھ سائنسز نئے کنٹرولر امتحانات کی تقرری کے لیے اشتہار جاری کرے گی جس کے بعد کنٹرولر امتحانات تعینات کرنے کا عمل شروع ہوگا۔