ویب ڈیسک

وزیر اعطم پاکستان میاں محمد نواز شریف کے نواسے اور مریم نواز کے بیٹے محمد جُنید صفدر نے برطانیہ کے ٹریویلین کالج سے سیاسیات کے مضمون میں گریجویشن کی ڈگری مکمل کر لی ہے۔ اُنہوں نے یہ ڈگری فرسٹ ڈویژن میں حاصل کی ہے۔

جُنید صفدر نے ابتدائی تعلیم لاہور سے حاصل کی اور اُنہوں نے ایچی سن کالج سے او لیول اور اے لیول کی ڈگری حاصل کی۔

جس کے بعد وہ بی ایس آنرز ان گورنمنٹ اینڈ پالیٹکس کی ڈگری کرنے کے لیے برطانیہ کی ڈرہم یونیورسٹی چلے گئے۔

اُنہوں نے 22 سال کی عمر میں بی ایس آنرز کی ڈگری مکمل کی ہے۔

جُنید صفدر اس وقت اپنے نانا وزیر اعظم نواز شریف کے ہمراہ سعودی عرب ہیں جہاں وہ اپنی ڈگری مکمل ہونے کی خوشی میں عمرہ کی ادائیگی بھی کر چُکے ہیں۔

جُنید صفدر نے اپنی ڈگری مکمل ہونے پر رزلٹ کارڈ اور والدہ مریم نواز کے ساتھ سوشل میڈیا پر تصاویر بھی شیئر کی ہیں۔ ذرائع نے بتایا ہے کہ جنید صفدر اب پاکستان آئیں گے اور مستقبل میں یہاں کی عملی سیاست میں بھی حصہ لیں گے۔