محکمہ تعلیم اہلکار کے ورثاء کوشہید پیکج دینے کاحکم
- July 1, 2017 9:49 pm PST
![taleemizavia single page](https://taleemizavia.com.pk/wp-content/uploads/2017/07/peshawar-highcourt.jpg)
پشاور
پشاورہائی کورٹ کے جسٹس قیصررشید اورجسٹس ارشد علی پرمشتمل دورکنی بنچ نے پی سی پشاورکے2009ء کے بم دھماکے میں شہید ہونے والے محکمہ تعلیم کے اہلکار کے اہل خانہ کوشہید پیکج ادا کرنے کے احکامات جاری کردئیے ہیں۔
فاضل بنچ نے یہ احکامات گذشتہ روز درخواست گذار خاتون وراگل کی جانب سے دائررٹ پٹیشن پرجاری کئے،عدالت کوبتایاگیاکہ درخواست گذار کا شوہر بشیرزادہ 19 نومبر 2009ء کو پرل کا نٹی نینٹل ہوٹل پشاورکے باہرہونے والے بم دھماکے میں جاں بحق ہوا۔
جو چارسدہ میں محکمہ تعلیم میں درجہ چہارم ملازم تھا اور وہ پشاورکسی کام کی غرض سے آیاتھا لیکن8سال گذرنے کے باوجود درخواست گذاروں کو کوئی پیکج نہیں دیاگیاجس کے باعث شہید کے لواحقین در درکی ٹھوکریں کھارہے ہیں۔
فاضل بنچ نے سماعت مکمل ہونے پر شہداء پیکج دینے کے احکامات جاری کردئیے ۔