صوابی، میڈیکل طالبعلم امجد کے قتل کیخلاف احتجاجی مظاہرہ
- January 7, 2018 2:55 pm PST
![taleemizavia single page](https://taleemizavia.com.pk/wp-content/uploads/2018/01/medical-student.png)
پشاور
پشاور میں میڈیکل کے طالبعلم کے قتل کیخلاف صوابی میں احتجاجی مظاہرہ کیا گیا جہاں مظاہرین نے اسلام آباد پشاور موٹر وے اور جہانگیرہ روڈ ہر قسم کی ٹریفک کیلئے بند کر دیے تھے۔
پولیس کے مطابق امجد محمود نامی طالبعلم اباسین یونیورسٹی پشاور میں زیرتعلیم تھا جسے رنگ روڈ پشاور میں دیرینہ دشمنوں نے فائرنگ کرکے موت کے گھاٹ اتار دیا تھا۔
مقتول کی نعش پہنچنے پر علاقے میں کہرام مچ گیا اور ورثاء اور اہل علاقہ نے نعش کرنل شیرخان انٹرچینج کے مقام پر رکھ کر احتجاج کیا۔ احتجاجی افراد کا کہنا تھا کہ پولیس کی جانب سے قتل میں ملوث افراد کو گرفتار نہیں کیا جارہا۔ احتجاجی افراد نے دو گھنٹے تک موٹروے کو بند رکھا۔
بعدازاں پولیس کی جانب سے ملزمان کی گرفتاری کی یقین دہانی پر مظاہرین منتشر ہو گئے۔
مقامی لوگوں کے مطابق دو خاندانوں کے بیچ ایک عرصہ سے دشمنی چلی آرہی ہے جس میں مقتول امجد کے خاندان کے 5 افراد اس سے قبل بھی مارے جا چکے ہیں۔