لاہور

لاہور سکول آف مینجمنٹ سائنسز (لمز) نے طلباء کے لیے سمر سکول کا شیڈول جاری کر دیا ہے۔ سمر سکول میں رجسٹریشن کرانے والے پہلے پچاس طلباء کو فیس پر 10 فیصد رعائیت دی جارہی ہے۔

لمز کا سمر سکول 17 جولائی سے شروع ہوگا جبکہ اوریئنٹیشن کلاس پندرہ جولائی کو منعقد ہوگی۔

سمر سکول میں رجسٹرڈ ہونے کے لیے عمر کی حد 14 سے اٹھارہ سال تک مقرر کی گئی ہے اور اس کورس کی فیس 45 ہزار روپے رکھی گئی ہے۔

سمر سکول میں ہاسٹل کی سہولت حاصل کرنے کے خواہشمند طلباء کو ہدایات جاری کی گئی ہیں کہ وہ آن لائن فارم جمع کراتے وقت ہاسٹل کے آپشن کا ضرور استعمال کریں۔ ہاسٹل کے لیے لمز نے 6 ہزار روپے فیس مقرر کی ہے۔

لمز کا سمر سکول سترہ جولائی سے بارہ اگست تک جاری رہے گا۔