جی سی یونیورسٹی: مومن یار امریکہ کے سٹوڈنٹ لیڈرز پروگرام میں شامل
- April 30, 2017 9:22 pm PST
![taleemizavia single page](https://taleemizavia.com.pk/wp-content/uploads/2017/04/momin-khalid-e1493569349656.jpg)
لاہور
گورنمنٹ کالج یونیورسٹی لاہور کے شعبہ سیاسیات کے طالبعلم مومن یار خالد سٹڈی آف دی یو ایس انسٹیٹیوٹس کے تحت سٹوڈنٹ لیڈرز پروگرام ان پبلک پالیسی میکنگ کے لیے منتخب ہوگئے ہیں۔
یہ پروگرام یونیورسٹی آف میساچوسٹس میں رواں سال جولائی میں شروع ہوگا۔ اس پروگرام کے تحت پاکستان سے 30 طلباء کو منتخب کیا گیا ہے جو نیو یارک، واشنگٹن اور بوسٹن کا بھی دورہ کریں گے۔
مومن یار خالد گورنمنٹ کالج یونیورسٹی کی ڈرامیٹک سوسائٹی کے ساتھ بھی وابستہ رہے ہیں اور وہ یونیورسٹی کے تحت ہونے والے متعدد کھیل میں اہم کردار بھی نبھاتے رہے ہیں۔
شعبہ سیاسیات کے سربراہ ڈاکٹرخالد منظور بٹ کا کہنا ہے کہ مومن یار خالد کا امریکہ کے اس پروگرام کے لیے منتخب ہونا جہاں یونیورسٹی کے لیے باعث فخر ہے وہیں پر ڈیپارٹمنٹ کا نام بھی روشن ہوا ہے۔