صوابی

وفاقی حکومت نے صوابی اور کوہاٹ میں سرکاری سکولوں میں زیر تعلیم دوردراز علاقوں کے طلبہ کے لیے ٹرانسپورٹ کی سہولت کا پروگرام شروع کیا ہے۔

ذرائع کے مطابق وفاقی حکومت کی جانب سے جاری کیے گئے سپائڈ نامی اس پروگرام کے تحت تین کلومیٹر سے زائد سفر کرنے والے طلبہ کو سائیکل جبکہ طالبات کو ٹرانسپورٹ کی سہولت دی جا رہی ہے۔

صوابی میں اس پروگرام کا اجراء کیا گیا ہے اورگورنمنٹ ہائی سکول میاں کلے کے متعدد طلبہ کو سائیکلیں دی گئیں۔

صوابی کے ضلعی تعلیم افسر جہانگیر خان نے اس حوالے سے ٹی این این کو بتایا کہ سپائڈ سے ضلع کے 15 سکولوں کے طلباء مستفید ہوں گے جن میں لڑکوں اور لڑکیوں دونوں کے سکول شامل ہیں۔