بہاؤ الدین زکریا یونیورسٹی کی امتحانی کاپیاں 32لاکھ میں فروخت
- December 24, 2017 12:19 pm PST
![taleemizavia single page](https://taleemizavia.com.pk/wp-content/uploads/2017/12/Recycled-Paper-1.jpg)
ملتان
بہاؤ الدین زکریا یونیورسٹی ملتان نے گزشتہ سالوں کے جوابی پرچوں اور دیگر ردی کا سامان فروخت کر دیا ہے اور یہ ردی بتیس لاکھ روپے میں فروخت کی گئی ہے۔
ذرائع نے بتایا ہے کہ اس ردی کو بذریعہ آکشن فروخت کیا گیا جس کی نگرانی آکشن کمیٹی کر رہی تھی۔ اس کمیٹی نے ستائیس اکتوبر کو ردی فروخت کرنے کی منظوری دی تھی۔
یونیورسٹی ذرائع کے مطابق اس سال چھیانوے ہزار نو سو ستر کلو گرام جوابی کاپیوں کی ردی فروخت ہوئی ہے جس کی براہ راست نگرانی آکشن کمیٹی کے سیکرٹری اعجاز احمد نے کی۔
اس ردی کی فروخت سے بتیس لاکھ روپے کی آمدن ہوئی ہے۔ ردی کی فروخت ڈیجیٹل سکیل پر کی گئی ہے۔