پنجاب: 30 سال بعد سرکاری کالجوں کا تعلیمی کیلنڈر تبدیل کر دیا گیا
- August 5, 2017 5:04 pm PST
![taleemizavia single page](https://taleemizavia.com.pk/wp-content/uploads/2017/08/colleges.jpg)
ملتان
پنجاب کے سرکاری کالجوں کے نئے تعلیمیم کیلنڈر کے مطابق اب کالجوں میں تعلیمی سا کا اختتام مارچ کے مہینے میں ہوگا اورانٹرمیڈیٹ کے دسمبر ٹیسٹ کے علاوہ فائنل امتحانات مارچ کے پہلے ہفتے میں لیے جائیں گے۔
نئے تعلیمی کیلنڈر میں کالج میں ماہانہ ٹیسٹ، پرینٹس ٹیچرز میٹنگ کو خصوصی طور پر شامل کیا گیا ہے۔
ڈائریکٹوریٹ پبلک انسٹرکشنز کالجز پنجاب کی جانب سے کالجوں کا نیا تعلیمی کیلنڈر جاری کر دیا گیا ہے اور اس پر کالج پرنسپلز کو سختی سے عمل درآمد کرنے کی ہدایات جاری کی ہیں۔
سرکاری کالجوں میں فرسٹ ایئر کا تعلیمی سیشن 4 ستمبر سے لے کر 14 اپریل تک مختص کر دیا گیا ہے۔
سیکنڈ ایئر کا تعلیمی سیشن 15 اگست سے 14 اپریل، تھرڈ ایئر کا تعلیمی سیشن 2 اکتوبر سے 16 اپریل تک جبکہ فورتھ ایئر کا تعلیمی سیشن15 اگست سے 12 مارچ تک مقرر کر دیا گیا ہے۔
سرکاری کالجوں میں اب دسمبر ٹیسٹ الگ سے منعقد ہوں گے جبکہ سینڈ اپس کے امتحانات مارچ میں لیے جائیں گے۔
اسی طرح اکتوبر، جنوری اور فروری کے مہینوں میں ماہانہ ٹیسٹ کا بھی انعقاد کیا جائے گا جس کی رپورٹس طلباء کے والدین کو گھروں پر ارسال کی جائیں گی، باقاعدہ طور پر منظوری کے بعد نئے تعلیمی کیلنڈر کا نوٹیفکیشن جاری کیا گیا ہے۔
it’s very good for student’s and preparing himself in good weather for examination