اسلام آباد

حکومت پاکستان نے اوریئنٹل کالج پنجاب یونیورسٹی کے ایسوسی ایٹ پروفیسر ڈاکٹر ناصر عباس نیئر کو اُردو سائنس بورڈ کا تین سال کے لیے ڈائریکٹر جنرل تعینات کر دیا ہے۔

ڈاکٹر ناصر عباس کو انٹرویو اور سلیکشن بورڈ میں پہلے نمبر پر ہونے کے باعث ڈی جی کے عہدے پر تعینات کیا گیا ہے۔

حکومت نے ڈاکٹر انعام الحق کو مینجنگ ڈائریکٹر نیشنل بُک فاؤنڈیشن کے عہدے پر تعینات کر دیا ہے۔ لینگوئج پرموشن ڈیپارٹمنٹ میں افتخار عارف کو تین سال کے لیے ڈائریکٹر جنرل تعینات کیا گیا ہے۔

سید عقیل عباس جعفری کو ایم پی ٹو سکیل پر اُردو ڈکشنری بورڈ کا چیف ایڈیٹر، خواجہ رضی حیدر کو ڈائریکٹر قائد اعظم اکیڈمی تعینات کر دیا گیا ہے۔