پنجاب: اساتذہ کی اے سی آر میں تاخیر، پیڈا ایکٹ کی کارروائی کا فیصلہ

  • 725 Views
  • نومبر 1, 2017 9:45 بجے PST

pag1-image
محکمہ ہائر ایجوکیشن پنجاب نے پرنسپلز کو وارننگ دی ہے کہ دو ہفتوں میں اے سی آر جمع کرائی جائے۔

ملتان

محکمہ ہائر ایجوکیشن پنجاب نے پنجاب بھر کے سرکاری کالجوں کے پرنسپل کو وارننگ جاری کی ہے کہ وہ دو ہفتوں میں اساتذہ کی سالانہ کارکردگی رپورٹ جمع کرائیں، مقررہ وقت تک اے سی آر جمع نہ کرانے والے پرنسپلز، ڈائریکٹر کالجز، ڈپٹی ڈائریکٹر کالجز کے خلاف کارروائی ہوگی۔

محکمہ نے اس ضمن میں ڈائریکٹوریٹ پبلک انسٹرکشنز کالجز پنجاب کو مراسلہ جاری کیا ہے اور متعلقہ افسران کو تنبیہہ بھی کر دی گئی ہے۔ مراسلے کے مطابق کالجوں کے سربراہان کو اے سی آر جمع کرانے کے لیے شیڈول دیا گیا تھا جس پر عمل درآمد نہیں کیا گیا اس کے باعث محکمہ کو اساتذہ کی رپورٹس نہ ملنے پر دُشواری کا سامنا ہے۔

محکمہ ہائر ایجوکیشن نے وارننگ دی ہے کہ مذکورہ شیڈول میں اب کالج اساتذہ کی اے سی آر جمع نہ کرانے والے افسران کے خلاف پیڈا ایکٹ کے تحت کارروائی کی جائے گی۔

تبصرہ کیجیے

آپ کا ای میل ایڈریس شائع نہیں کیا جائے گا.