رپورٹ

صوبہ سندھ کے تعلیمی اداروں میں سردیوں کی چھٹیوں کا اعلان کرتے ہوئے نوٹی فکیشن جاری کر دیا گیا ہے۔ محکمہ تعلیم سندھ نے موسم سرما کی تعطیلات کا اعلان کرتے ہوئے کہا ہے کہ چھٹیاں شیڈول کے مطابق 22 تا 31 دسمبر تک ہوں گی۔

اس دوران صوبہ بھر میں سرکاری اور نجی تعلیمی ادارے 10 روز کیلئے بند رہیں گے۔ ادھر محکمہ موسمیات نے ملک بھر میں سردی کی شدت میں اضافے کی پیشگوئی کی ہے جس کے باعث تعطیلات میں اضافہ بھی کیا جا سکتا ہے۔

سندھ میں کل سے بارشوں کا امکان بتایا جارہا ہے جس کے باعث سردی میں کمی واقع ہوسکتی ہے۔ محکمہ موسمیات کے مطابق موسم میں تبدیلی آئندہ ہفتے متوقع ہے۔

خیال رہے کہ گزشتہ سال بھی موسم کی شدت کے باعث تعلیمی اداروں کی تعطیلات میں اضافہ کر دیا گیا تھا۔