لوک ورثہ:ڈیجیٹل لائبریری کا منصوبہ، سکالرز کو مفت رسائی ہوگی
- July 29, 2017 2:54 pm PST
![taleemizavia single page](https://taleemizavia.com.pk/wp-content/uploads/2017/07/lok-virsa.jpg)
اسلام آباد
لوک ورثہ ای لائبریری کیٹیلاگ کے منصوبے کو حتمی شکل دے دی گئی ہے۔ اس ڈیجیٹل لائبریری کے منصوبے سے سکالرز، طلباء اور ثقافت سے دلچسپی رکھنے والوں کو مفت رسائی مل جائے گی۔
اس منصوبہ کا نام ہیریٹیج لائبریری رکھا جائے گا جس کے ساتھ نیشنل، ریجنل اور لوکل لائبریری کے ریسورسز کو بھی منسلک کیا جائے گا۔
اس وقت لائبریری میں بتیس ہزار کتابیں اور ریسرچ جرنلز کا ذخیرہ ہے جبکہ لائبریری میں لوک ورثہ کے شائع شدہ دو سو کتابیں بھی رکھی جائیں گی۔ اسی طرح اس لائبریری میں پاکستان کے ثقافتی ورثہ سے متعلق شائع شدہ ریسرچ رپورٹس، مونوگرافس، مینوسکرپٹس بھی شامل ہوں گے۔