اسلام آباد

چائینز ایمبیسی اسلام آباد نے پاکستانی طلباء کے ویزوں کے حصول کیلئے عید کی چھٹیوں میں بھی ایمبیسی کھولنے کا اعلان کر دیا ہے۔ ڈپٹی کیمونیکیشن مینجر لیجیان زاؤ نے اپنے بیان میں کہا ہے کہ ویزے کے لیے تمام طلباء کی درخواستوں پر کارروائی جمعہ کے روز تک مکمل کر لی جائے گی۔

لیجیان زاؤ کا کہنا ہے کہ اس ہفتے بھی ایمبیسی کھلی رہے گی تاکہ پاکستانی طلباء کو ویزے فراہم کرنے کا پراسیس مکمل کیا جاسکے۔ اُنہوں نے کہا کہ ایک بھی طالبعلم ایسا نہیں رہے گا جسے جمعہ تک ویزہ کنفرم نہ ہو۔

یہ پڑھیں؛ پاکستانی طلباء چائینز ایمبیسی کے باہر ویزوں کے حصول کیلئے خوار

لیجیان زاؤ کا کہنا ہے کہ اس وقت چین میں پاکستان کے 22 ہزار سے زائد طلباء زیر تعلیم ہیں۔

طلباء کو ویزے کی سہولیات فراہم کرنے کے لیے دفتر کے اوقات میں بھی اضافہ کر دیا گیا ہے اگر اس کے باوجود کسی طالبعلم کو شکایت ہوتو وہ ایمبیسی کے شکایتی سیل میں رابطہ کر سکتا ہے۔