ویب ڈیسک

پشاور کی ایک مقامی عدالت نے فیس بک پر ایک لڑکی کی تصاویرشیئر کرنے کے الزام میں ایک شخص کو 6 سال قید اور ایک لاکھ روپے جرمانہ کی سزا سنا دی۔

ایف آئی اے کے مطابق ہری پور کی شگفتہ نامی ایک لڑکی نے انہیں شکایت کہ کسی نے ان کے نام سے جعلی اکائونٹ بنایا ہے جس سے ان کی ذاتی تصاویر شیئر کی جا رہی ہیں۔

ایف آئی اے پشاور برانچ کے حکام کا مزید کہنا ہے کہ تفتیش کے بعد ہری پور ہی سے تعلق رکھنے والے منیر نامی ملزم کو گرفتار کیا گیا جس کے خلاف پشاور کی عدالت میں مقدمہ دائر کیا گیا۔

الزام ثابت ہونے کے بعد منیر کو سائبر کرائم قانون کے تحت سزا سنائی گئی۔