پنجاب میں 77 ہزار ایجوکیٹرز کی بھرتیوں کی تصدیق کا شیڈول جاری
- June 3, 2017 1:27 pm PST
![taleemizavia single page](https://taleemizavia.com.pk/wp-content/uploads/2017/01/punjab-schools.jpg)
ملتان
پنجاب میں ایجوکیٹرز کی بھرتیوں کے لیے تھرڈ پارٹی ویلیڈیشن کا آغاز پانچ جون سے ہوگا اور اس کے لیے پنجاب کے 36 اضلاع میں قائم ڈسٹرکٹ ایجوکیشن اتھارٹیز کے دفاتر کا خصوصی ٹیمیں دورہ کریں گی۔
محکمہ سکولز ایجوکیشن پنجاب کی جانب سے جاری کیے گئے خط میں اتھارٹیز کے سربراہان کو ہدایات جاری کی گئی ہیں کہ وہ ایجوکیٹرز کی بھرتیوں سے متعلق تمام دفتری کاغذات مکمل کر لیں۔
پنجاب میں 77 ہزار ایجوکیٹرز بھرتی کیے جارہے ہیں جس کے لیے تھرڈ پارٹی ویلیڈیشن تاخیر کا شکار ہے۔ محکمہ کی جانب سے پہلے 15 مئی سے اس ویلیڈیشن کا آغاز ہونا تھا جو اب پانچ جون سے ہوگا۔
تھرڈ پارٹی ویلیڈیشن کرنے والی ٹیمیں ڈسٹرکٹ ایجوکیشن اتھارٹیز میں تمام ڈیٹا کی تصدیق کریں گی جس کے لیے اتھارٹیز کی مطلوبہ معلومات کو مکمل طور پر تیار رکھنے کی ہدایات جاری ہوئی ہیں۔ محکمہ نے اتھارٹیز کو حکم جاری کیا ہے کہ خصوصی ٹیموں کے لیے دفاتر اور مسلسل بجلی کی فراہمی کا بھی بندوبست کریں۔
تھرڈ پارٹی ویلیڈیشن مکمل ہونے کے بعد صوبے کے تمام اضلاع میں ایجوکیٹرز کی تعیناتیوں کے نوٹیفکیشن جاری کیے جائیں گے۔