سندھ میں یونیورسٹیز اساتذہ کا پی ایچ ڈی الاؤنس 25 ہزار ہوگیا
- February 9, 2018 11:57 am PST
![taleemizavia single page](https://taleemizavia.com.pk/wp-content/uploads/2017/03/teachers-degree.jpg)
کراچی
حکومت سندھ کے محکمہ یونیورسٹیز اینڈ بورڈز نے یونیورسٹیوں کے اساتذہ کا پی ایچ ڈی الاؤنس 25 ہزار روپے کرنے کا نوٹیفکیشن جاری کر دیا ہے۔
وزیر اعلیٰ سندھ سید مراد علی شاہ نے یونیورسٹی میں پی ایچ ڈی اساتذہ کا پی ایچ ڈی الاؤنس دس ہزار روپے سے بڑھا ک 25 ہزار روپے کرنے کی منظوری دے دی ہے۔
پی ایچ ڈی الاؤنس میں اضافے کی منظوری وزیر اعلیٰ سندھ کی زیر صدارت 31 جنوری کو ہونے والے اجلاس میں دی گئی تھی۔
حکومت سندھ کے محکمہ یونیورسٹیز اینڈ بورڈز کے ایڈیشنل چیف سیکرٹری محمد حسین سید نے نوٹیفکیشن جاری کیا ہے۔فیڈریشن آف آل پاکستان یونیورسٹیز اکیڈمک سٹاف ایسوسی ایشن سندھ چیپٹر کے تحت ہائر ایجوکیشن کیشن سندھ کا چیئرمین ڈاکٹر عاصم حسین کو تعینات کرنے پر احتجاجی مظاہرے کیے گئے اور کلاسز کا بائیکاٹ ہوا۔
اساتذہ نے حکومتی عہدیداروں کے ساتھ مذاکرات میں ڈاکٹر عاصم حسین کو عہدے سے ہٹانے سمیت اساتذہ کے دیگر مطالبات پیش کیے گئے تھے۔