جہانگیر اشرف

محکمہ سکولز ایجوکیشن فیصل آباد نے ممکنہ سیلاب کے متاثرین کو ریلیف فراہم کرنے کے لیے سرکاری سکولوں کو ریلیف سنٹرز کا درجہ دے دیا گیا ہے۔ ان سرکاری سکولوں میں قائم سنٹرز میں مطلوبہ انتظامات پورے کرنے کا آغاز کر دیا گیا ہے۔

ان سنٹرز میں سیلاب متاثرین کو فرسٹ ایڈ، طبی سہولیات، ادویات اور ضرورت کے مطابق راشن بھی فراہم کرنے کا بندوبست کیا جائے گا۔

محکمہ کی جانب سے متعلقہ سکولز کے ہیڈ ماسٹروں کو ہدایات جاری ہوئی ہیں کہ وہ صفائی ستھرائی کے انتظامات کو اپنی نگرانی میں مکمل کرائیں اور ریلیف سنٹرز پر جن افراد کی ڈیوٹیاں لگائی جارہی ہیں اُن سے پوری معاونت کریں۔

سکولوں میں قائم ان ریلیف سنٹرز کی ابتدائی فہرستیں ڈسٹرکٹ ایجوکیشن اتھارٹی اور پراونشل ڈیزاسٹرز مینجمنٹ اتھارٹی کے دفتر میں بھی آویزاں کر دی جائیں گی۔