ملتان

پنجاب حکومت نے صوبے کی یونیورسٹیز میں داخلوں کے لیے پنجاب ٹیسٹنگ سروس کا قیام عمل میں لایا جارہا ہے جس کے لیے وزیر اعلیٰ پنجاب میاں محمد شہباز شریف نے پانچ افراد پر مشتمل کمیٹی تشکیل دے دی ہے۔

وزیر اعلیٰ پنجاب کی جانب سے تشکیل دی گئی اس کمیٹی میں سیکرٹری سروسز، سیکرٹری فنانس، سیکرٹری قانون، سیکرٹری ریگولیشن اور سیکرٹری سکولز ایجوکیشن شامل ہیں جبکہ چیئرمین پلاننگ اینڈ ڈویلپمنٹ پنجاب اس کمیٹی کے کنونیئر ہوں گے۔

پنجاب ٹیسٹنگ سروس (پی ٹی ایس) طلباء کے انٹری ٹیسٹ اُسی طرز پر لے گی جیسے نیشنل ٹیسٹنگ کونسل کی جانب سے لیے جاتے ہیں یہ کمیٹی اس منصوبے پر سفارشات وزیر اعلیٰ پنجاب کو پندرہ روز میں جمع کرائے گی۔

پنجاب ٹیسٹنگ سروس کے قیام پر ابتدائی خاکہ وزیر سکولز ایجوکیشن پنجاب رانا مشہود احمد خان کی جانب سے پیش کیا گیا تھا اور اس خاکہ کی بنیاد پر وزیر اعلیٰ پنجاب نے یہ کمیٹی تشکیل دی ہے۔

وزیر اعلیٰ پنجاب کی منظوری کے بعد پی ٹی ایس صوبے بھر میں فعال ہوجائے گی۔