پنجاب کے سرکاری سکولز 7 اگست سے کھولنے کا فیصلہ واپس
- July 31, 2017 2:29 pm PST
![taleemizavia single page](https://taleemizavia.com.pk/wp-content/uploads/2017/04/School-e1492199647278.jpg)
ملتان
محکمہ سکولز ایجوکیشن نے پنجاب حکومت کی ہدایات پر موسم گرمیوں کی تعطیلات کم کر کے سکولوں کو سات اگست سے دوبارہ کھولنے کا فیصلہ کیا تھا جسے اب واپس لے لیا گیا ہے۔
وزیر سکولز ایجوکیشن رانا ۔مياشہود احمد خان کی سربراہی میں جولائی کے دوسرے ہفتے میں ہونے والے اہم اجلاس میں یہ فیصلہ ہوا تھا کہ سکولوں کو سات اگست کو کھول دیا جائے تاکہ یوم آزادی کی تقریبات منائی جاسکیں۔
ذرائع نے بتایا ہے کہ سیکورٹی اداروں نے سکولز کو 7 اگست سے کھولنے کی کلیئرنس نہیں دی جس پر اب یہ فیصلہ واپس لے لیا گیا ہے اور سکولز شیڈول کے مطابق پندرہ اگست کو ہی کھولیں جائیں گے۔
تاہم محکمہ سکولز ایجوکیشن کی ہدایات پر 13 اور 14 اگست کو سکول جزوی طور پر کھولے جائیں گے تاکہ یوم آزادی کی تقریب منائی جاسکے۔ اس ضمن میں محکمہ سکولز ایجوکیشن نے تمام سرکاری سکولز کے سربراہان کو ڈسٹرکٹ ایجوکین اتھارٹیز کے ذریعے سے ہدایات بھی جاری کر دی ہیں۔