پنجاب کے سرکاری سکولز کے اساتذہ کی اپ گریڈیشن کی منظوری
- May 6, 2017 4:15 pm PST
![taleemizavia single page](https://taleemizavia.com.pk/wp-content/uploads/2017/05/school-teachers-e1494069298913.jpg)
راولپنڈی
پنجاب حکومت نے سرکاری سکولوں کے اساتذہ کی گریڈ کی اپ گریڈیشن کی منظوری دے دی ہے اور اس حوالہ سے محکمہ فنانس پنجاب نے بھی فنڈز جاری کرنے کی کلیئرنس دے دی ہے۔
محکمہ سکولز ایجوکیشن پنجاب میں اب 9 ویں گریڈ کے ایس ای ایس ای کو گریڈ 14 ویں گریڈ میں اپ گریڈ کرنے کی منظوری دی گئی ہے جبکہ 14 ویں گریڈ کے سکول اُستاد کو 16 ویں گریڈ میں اپ گریڈ کر دیا جائے گا۔
محکمہ سکولز پنجاب 16 ویں گریڈ کے اُستاد کو 17 ویں گریڈ میں اپ گریڈ کر رہا ہے۔ وزیر اعلیٰ پنجاب پہلے ہی اپ گریڈیشن کی منظوری دے چکے ہیں۔ محکمہ فنانس کی جانب سے کلیئرنس ملنے کے بعد اس اپ گریڈیشن کی منظوری پنجاب کابینہ کے اجلاس میں دی جائے گی۔
پنجاب ٹیچرز یونین دو مہینے سے سراپا احتجاج تھے اور ان کی جانب سے مطالبہ کیا جارہا تھا کہ اساتذہ کے سکیل کو اپ گریڈ کیا جائے اور ان کی تنخواہوں میں اضافہ کیا جائے۔ اس مطالبہ کی بنیاد پر سکولوں کے اساتذہ لاہور میں احتجاجی مظاہرے بھی کر چکے ہیں۔
کابینہ کی منظوری کے بعد پنجاب کے سرکاری سکولوں میں تعینات 3 لاکھ سے زائد اساتذہ کی اپ گریڈیشن ہوگی۔
Well done
Beshak PST ko 12 scale e dy do lakin notification to issue kr do