محکمہ داخلہ پنجاب نے تعلیمی اداروں کی سیکورٹی کو یقینی بنانے کے لیے رینجرز اور کاؤنٹر ٹیررازم ڈیپارٹمنٹ کو کومبنگ آپریشن کرنے کی اجازت دے دی ہے۔

پنجاب کے سرکاری و نجی سکولوں سمیت کالجوں اور یونیورسٹیوں کی سیکورٹی کو موسم گرما کی تعطیلات کے بعد فول پروف بنانے کا فیصلہ کیا گیا ہے۔

اس ضمن میں سکولوں میں زیر تعلیم بچوں کی حفاظت کو یقینی بنانا اولین ترجیح ہے۔

محکمہ داخلہ پنجاب نے قانون نافذ کرنے والے تمام اداروں کو مراسلہ لکھا ہے جس میں تعلیمی اداروں کے اطراف میں کومبنگ آپریشن کرنے کی ہدایت کی گئی ہے۔

تین صفحات پر مبنی اس مراسلے میں درج ہے کہ کومبنگ آپریشن کے پہلے مرحلے میں اے پلس اور اے درجہ بندی کے سکولوں، کالجوں اور یونیورسٹیوں کے اطراف میں آپریشن کو یقینی بنایا جائے۔

اس آپریشن میں رینجرز، کاؤنٹر ٹیررازم ڈیپارٹمنٹ پنجاب مشترکہ طور پر حصہ لیں گے۔

آپریشن کے دوران اداروں کے اطراف میں رہائشیوں، کرایہ داروں اور کاروباری شخصیات کے کوائف بھی جمع کیے جائیں گے