پنجاب ایجوکیشن فاؤنڈیشن: سکولوں پر امتحان کی نئی شرط عائد
- February 24, 2017 5:57 pm PST
![taleemizavia single page](https://taleemizavia.com.pk/wp-content/uploads/2017/01/PEF.png)
لاہور
پنجاب ایجوکیشن فاؤنڈیشن نے مفت تعلیم کے منصوبہ میں ایجوکیشن وؤچر اسکیم سے منسلک پارٹنر سکولوں پر پاپندی عائد کر دی ہے کہ ٹیسٹ میں پچاس فیصد طالبعلم کا پاس ہونا لازمی ہے۔
پیف نے پنجاب کے ایجوکیشن وؤچراسکیم سے منسلک پارٹنر سکولوں کا پندرہواں کوالٹی ایشورنس ٹیسٹ جاری کر دیا ہے۔
کوالٹی ایشورنس ٹیسٹ میں پیف تین مختلف کلاسز کا ٹیسٹ لیا جاتا ہے جس میں نوے فیصد طالبعلموں کی حاضری بھی لازمی ہے۔ نئی پالیسی کے مطابق پارٹنر سکولوں کے پچاس فیصد طلباء کا پاس ہونا ضروری ہے جس کے لیے چالیس فیصد نمبرز حاصل کرنے کی شرط پہلے سے ہی عائد ہے۔
پیف نے پارٹنر سکولوں کو ہدایات جاری کی ہیں کہ وہ سٹوڈنٹ انفارمیشن سسٹم ڈیٹا کی تصدیق کے لیے بچوں کے تصویری ریکارڈ کی دستیابی کو بھی یقینی بنائیں۔
پیف نے کوالٹی ایشورنس ٹیسٹ کیلئے پچھتر فیصد سلیبس مقرر کیا ہے اور اس حوالے سے تمام پارٹنر سکولوں کے مالکان کو مراسلہ بھی جاری کر دیا گیا ہے۔