اسلام آباد

پاکستان انجینئرنگ کونسل نے ملک بھر کے انجینئرز کی رجسٹریشن کی نئی پالیسی نافذ کرنے کا فیصلہ کیا گیا ہے اور اس حوالے سے ضوابط بھی جاری کر دیے گئے ہیں۔

پاکستان انجینئرنگ کونسل نے فیصلہ کیا ہے کہ انجینئرز کی رجسٹریشن کو اب لائف ٹائم کیا جائے گا اور اس کے لیے ایک ہزار روپے فیس مقرر کی گئی ہے۔

پاکستان انجینئرنگ کونسل سے پہلے سے رجسٹرڈ انجینئرز کو بھی ممبرشپ میں توثیق کرانا ہوگی۔ پاکستان انجینئرنگ کونسل نئے ممبرز کی لائف ٹائم ممبر شپ 31 دسمبر تک کرے گی۔

کونسل نے انجینئرز کو ہدایات جاری کی ہیں کہ وہ اپنی رجسٹریشن کے لیے آن لائن فارم جمع کرائیں۔ پاکستان انجینئرنگ کونسل کے تحت 3 لاکھ سے زائد رجسٹرڈ انجینئرز ہیں جن کی لائف ٹائم ممبر شپ کی جائے گی۔