این ٹی ڈی سی:45 یونیورسٹیزکے طلباء کیلئے انٹرن شپ پروگرام
- July 12, 2017 12:10 pm PST
![taleemizavia single page](https://taleemizavia.com.pk/wp-content/uploads/2017/07/ntdc-e1499843342427.jpg)
لاہور
نیشنل ٹرانسمیشن اینڈ ڈسپیچ کمپنی نے کارپوریٹ سوشل ریسپانسبیلیٹی کے تحت ملک بھر سے پنتالیس سرکاری و نجی یونیورسٹیز، کالجز کے طلباء وطالبات کیلئے چھ ہفتوں پر مشتمل انٹرن شپ پروگرام شروع کر دیا۔
اس پروگرام کے تحت دو سو پچاس طلباء و طالبات کو انتظامی اور تکنیکی مہارت نکھارنے کے لیے تربیت دی جائے گی اور پروگرام مکمل ہونے پر کامیاب طلباء وطالبات کو سرٹیفکیٹ اور وظیفہ بھی دیا جائے گا۔
انٹرن شپ پروگرام کے لیے یونیورسٹیز سے جن طلباء کی سفارشات کی جائیں گی این ٹی ڈی سی اُنہیں انٹرن شپ فراہم کرنے کا موقع دے گا جبکہ طلباء کو بھی اجازت دی جائے گی کہ وہ براہ راست بھی انٹرن شپ کے لیے درخواستیں جمع کرا سکیں گے۔
انٹرن شپ پروگرام سے متعلق طلباء کو تمام تر معلومات نیشنل ٹرانسمیشن اینڈ ڈسپیچ کمپنی کی ویب سائٹ سے حاصل کی جا سکے گی۔