انجمن اساتذہ جامعہ کراچی کا رجسٹرار کو ہٹانے کا مطالبہ
- July 12, 2018 1:00 pm PST
![taleemizavia single page](https://taleemizavia.com.pk/wp-content/uploads/2018/01/karachi-university.jpg)
کراچی
عام انتخابات کے سلسلے میں انجمن اساتذہ جامعہ کراچی کا چوتھا مجلس عام کا ہنگامی اجلاس بدھ کو آرٹس آڈیٹوریم میں منعقد ہوا جس کا ایک نکاتی ایجنڈا جامعہ کراچی کے رجسٹرار کی جانب سے ’’اساتذہ کو ہراساں کرنے والے خطوط اور فون کالز‘‘ تھا۔
اجلاس میں ریاستی اداروں کو بدنام کرنے، اساتذہ میں خوف و ہراس پھیلانے، اساتذہ کو خطرناک نتائج کی دھمکیاں دینے اور شدید نااہلی کے باعث اساتذہ کی غلط فہرستیں الیکشن کمیشن کو دینے کی پاداش میں رجسٹرار کو اس کے عہدے سے فی الفور برطرف کیا جائے۔
اجلاس عام فیصلہ کرتا ہے کہ اساتذہ اور بالخصوص خواتین اساتذہ کو سنگین نتائج کی دھمکیاں دینے اور اساتذہ کو مقدر اداروں کی نظر میں بدنام کرنے والے رجسٹرار کے خط پر 12؍اور 13؍جولائی تمام ہونے والے امتحانات (شام اور پرائیویٹ) کا مکمل بائیکاٹ کیا جائے گا اگر سنگین نتائج کی دھمکیاں بند نہیں ہوئیں تو جمعہ کے بعد آئندہ کے لائحہ عمل کا اعلان کیا جائے گا۔
یہ اجلاس مطالبہ کرتا ہے کہ شیخ الجامعہ رجسٹرار کی جانب لکھے گئے خط پر تمام اساتذہ سے خط کے ذریعہ معذرت کریں اور اس خط کی کاپیاں ان تمام اداروں کو منسلک کی جائیں جو رجسٹرار کے خط میں شامل تھیں۔