اسلام آباد

ہائر ایجوکیشن کمیشن پاکستان نے تمام سرکاری یونیورسٹیوں اور الحاق شدہ سرکاری ونجی کالجوں کو انتباہی نوٹس جاری کیا ہے کہ وہ رواں سال ایک سالہ بی ایڈ پروگرام میں داخلے بند کر دیں۔

ایچ ای سی پاکستان نے وارننگ جاری کی ہے کہ 2016ء میں جن اداروں میں ایک سالہ بی ایڈ پروگرام میں داخلے کیے جائیں گے اُنہیں جعلی تصور کیا جائے گا۔

رواں سال کیے جانے والے داخلوں کی کوئی قانونی حیثیت نہیں ہے اور ایچ ای سی پاکستان ان اسناد کی تصدیق بھی نہیں کرے گا۔

ہائر ایجوکیشن کمیشن نے ٹیچنگ سرٹیفکیٹ ، سرٹیفیکیٹ آف ٹیچنگ ایںڈ ڈپلومہ ان ایجوکیشن کا کورس بھی منسوخ کر دیا ہے۔

کوئی بھی یونیورسٹی پاکستان بھر میں مذکورہ پروگرام میں داخلوں کی مجاز نہیں ہے۔

ہائر ایجوکیشن کمیشن پاکستان کا کہنا ہے کہ ایک سالہ بی ایڈ ڈگری پروگرام کی جگہ ایسوسی ایٹ ڈگری ان ایجوکیشن اور بی ایڈ آنرز شروع کر دیا گیا ہے۔