اسلام آباد

ہائر ایجوکیشن کمیشن نے سرکاری اور پرائیویٹ یونیورسٹیز سے بیسٹ ٹیچرز ایوارڈز کے لیے نام طلب کر لیے ہیں۔ بیسٹ ٹیچرز ایوارڈز کیلئے یونیورسٹیز انتظامیہ نام بھیجنے کی پاپند ہوگی۔

ایچ ای سی کی جانب سے نجی و سرکاری یونیورسٹیز کے اساتذہ کو بیسٹ ٹیچرز ایوارڈز دینے کے لیے انتظامیہ سے نام طلب کیے ہیں۔

ایچ ای سی نے یونیورسٹیز کو ہدایات جاری کی ہیں کہ وہ اپنے مستقل اساتذہ، ٹی ٹی ایس پروفیسرز اور کنٹریکٹ پر تعینات اساتذہ میں بیسٹ ٹیچرز کے لیے نامزدگیاں بھیج سکتی ہیں۔

ایچ ای سی کے مطابق اساتذہ کی سالانہ تعلیمی کارکردگی اور اچیومنٹس کی بنیاد پر بیسٹ ٹیچرز ایوارڈز دیے جائیں گے۔ ایسے تمام اساتذہ کی نامزدگیاں قابل قبول ہوں گی جو دسمبر دو ہزار پندرہ سے پہلے تعینات ہوئے ہیں اور جن کی تعیناتی کو تین سال کا عرصہ گزر چکا ہے۔

ایچ ای سی نے اساتذہ کو یہ بھی ہدایات جاری کی ہیں کہ وہ براہ راست اپنے کوائف نہیں بھیج سکتے صرف وہی درخواستیں قابل تصور ہوں گی جو انتظامیہ کے ذریعے سے ایچ ای سی کو ارسال کی جائیں گی۔ ایچ ای سی نے ان درخواستوں کو جمع کرانے کی آخری تاریخ 14 جولائی مقرر کی ہے۔