اسلام آباد

ہائر ایجوکیشن کمیشن پاکستان نے گلوبل انسٹیٹیوٹ لاہور میں داخلوں کو غیر قانونی قرار دے دیا ہے۔

ہائر ایجوکیشن کمیشن نے والدین اور طلباء کو خبردار کیا ہے کہ وہ گلوبل انسٹی ٹیوٹ لاہور میں داخلہ ہرگز نہ لیں، ہائر ایجوکیشن کمیشن نے اس ادارے کو غیر قانونی قرار دے دیا ہے۔

ایچ ای سی پاکستان کی جانب سے جاری کردہ الرٹ کے مطابق گلوبل انسٹی تیوٹ کی جانب سے قواعد و ضوابط میں سنگین بے ضابطگیوں کی نشاندہی کی گئی ہے اور اس حوالے سے ادارے کی انتظامیہ کو متعدد بار آگاہ بھی کیا گیا ہے۔

ہائر ایجوکیشن کمیشن کے مطابق گلوبل انسٹی ٹیوٹ میں طلباء داخلہ مت لیں، ایچ ای سی یہاں کے فارغ التحصیل طلباء کی ڈگریوں کی تصدیق نہیں کرے گی۔

ہائر ایجوکیشن کمیشن نے غیر قانونی اور غیر منظور شدہ کیمپسز اور اداروں کی فہرست میں گلوبل انسٹی ٹیوٹ لاہور کو بھی شامل کر دیا ہے اور اس کا نام اپنی ویب سائٹ پر جاری کر دیا ہے۔