اسلام آباد

اسلام آباد کے سکولوں میں پہلی جماعت سے لے کر بارہوویں جماعت تک کے طلباء کے لیے قرآن کی تعلیمات کو نافذ کرنےکے لیے بل کا مسودہ منظور کر لیا گیا ہے۔

وفاقی کابینہ کی جانب سے منظور کیے گئے اس ڈرافٹ کے مطابق حکومت پاکستان کے زیر انتظام اسلام آباد اور فاٹا کے علاقوں میں چلائے جانے والے سکولوں میں قرآنی تعلیمات کا نفاذ کیا جائے گا۔

اس ایکٹ کا نام ٹیچنگ آف ہولی قرآن ایک2016ء رکھا گیا ہے جو صرف مسلمان طلباء پر عمل درآمد ہوگا۔

اس مسودہ کے مطابق پہلی جماعت سے لے کر پانچوویں جماعت تک کے طلباء کو ناظرہ قرآن، چھٹی جماعت سے بارہوویں جماعت تک کے طلباء کو قرآن ترجمہ کے ساتھ پڑھایا جائے گا۔

اس نئے بل کے مسودے کی منظوری کونسل آف اسلامک آئیڈیالوجی اور تمام مکاتب فکر کے علماء کرام سے لی گئی ہے جس کے تحت آردو تراجم پر مشتمل قرآن بھی پڑھایا جائے گا۔

اس بل کے مطابق چھٹی جماعت سے لے کر دسوویں جماعت تک کے طلباء کو مکی سورتوں کا اُردو ترجمہ جبکہ گیارہوویں جماعت سے بارہوویں جماعت تک مدنی سورتوں کا اُردو ترجمہ پڑھایا جائے گا۔

سورتوں کی ترتیب کا یہ فیصلہ اس لیے کیا گیا ہے کہ مدنی سورتوں میں جہاد پر مبنی آیات ہیں لہذا ان سورتوں کو گیارہوویں اور بارہوویں جماعت کے طلباء کو پڑھایا جائے گا۔

اگرچے اس سکیم کا اطلاق وفاقی سطح پر کیا جارہا ہے تاہم صوبوں کو بھی تائید کر دی گئی ہے کہ اس سکیم کو صوبائی سطح پر قائم سرکاری سکولوں میں بھی نافذ کیا جائے۔