انٹرنیشنل اسلامک یونیورسٹی: گرلز ہاسٹل میں “بیڈ شیئرنگ” پر پاپندی عائد
- April 27, 2017 9:07 pm PST
![taleemizavia single page](https://taleemizavia.com.pk/wp-content/uploads/2017/02/international-islamic-university.png)
اسلام آباد
انٹرنیشنل اسلامک یونیورسٹی اسلام آباد نے گرلز ہاسٹل میں بیڈ شیئرنگ پر پاپندی عائد کرنے کا نوٹیفکیشن جاری کردیا ہے اور اس ضمن میں ہاسٹلز کے وارڈن کو سختی سے عمل درآمد کرنے کا حکم جاری کیا ہے۔
یونیورسٹی انتظامیہ کی جانب سے جاری کیے گئے اس نوٹیفکیشن کے متن کے مطابق گرلز ہاسٹل میں اگر کوئی طالبہ اپنی بہن، کزن یا دوست کے ساتھ ایک ہی بستر میں کمبل میں سونے اور بیڈ شیئر کرے گی تو اس کے خلاف سخت کارروائی کی جائے گی اور بھاری جرمانہ بھی عائد کیا جائے گا۔
نوٹیفکیشن کے مطابق ہاسٹل میں لڑکیوں کے کمرے میں ایک بیڈ کا دوسرے بیڈ سے فاصلہ کم ازکم دو فٹ ہونا چاہیے اور ہاسٹل کے سپریٹنڈنٹ اور وارڈنز اس حکم پر سختی سے عمل درآمد کرائیں۔
انٹرنیشنل اسلامک یونیورسٹی نے اپنے نوٹیفکیشن میں اس فیصلے سے متعلق کسی بھی قسم کی وضاحت نہیں کی۔