کوئٹہ

حکومت بلوچستان نے سیکنڈری سکولوں کے اساتذہ کی اگلے گریڈ میں اپ گریڈیشن کی منظوری دے دی ہے جس پر محکمہ تعلیم نے نوٹیفکیشن بھی جاری کر دیا ہے۔

سیکرٹری سیکنڈری ایجوکیشن بلوچستان کی جانب سے جاری کردہ نوٹیفکیشن کے مطابق سیکنڈری سکولوں کے سائنس اور جنرل اساتذہ کی سولہویں گریڈ سے سترہویں گریڈ میں اپ گریڈیشن کر دی گئی ہے۔ تین اپریل کو جاری ہونے والے اس نوٹیفیکیشن کا اطلاق 19 نومبر 2016ء سے ہوگا۔

نوٹیفکیشن کے متن میں لکھا ہے کہ آغاز حقوق بلوچستان پیکج کے تحت اساتذہ کے سکیل کی اپ گریڈیشن کی گئی ہے۔

بلوچستان حکومت نے سکیل اپ گریڈ کرنے کی منظور 15 مارچ 2017ء کو دی تھی۔