لاہور

پنجاب فوڈ اتھارٹی کی ڈائریکٹر آپریشنز عائشہ ممتاز کو محکمہ ہائر ایجوکیشن پنجاب میں ڈپٹی سیکرٹری تعینات کر دیا گیا ہے۔

عائشہ ممتاز 4 مہینے کے لیے چھٹیوں پر تھیں اس دوران اُن پر بد عنوانی کے الزامات میں اینٹی کرپشن میں انکوائری کا بھی آغاز کیا گیا تھا جس کے بعد اُنہیں انکوائری میں کلیئر قرار دیا گیا۔

یکم جون دو ہزار پندرہ کو عائشہ ممتاز نے پنجاب فوڈ اتھارتی کو جوائن کیا تھا وہ پی سی ایس کیڈر کی آفیسر ہیں۔ اُنہوں نے بطور ڈائریکٹر آپریشنز پنجاب فوڈ اتھارٹی لاہور کے بڑے بڑے ہاٹلز اور ریسٹورنٹس غیر معیاری کھانے کی بناء پر بند کرائے جس کے بعد وہ عوام میں بے حد مقبول ہوگئیں۔