ملتان

تھانہ نیو ملتان کے علاقے میں نجی کالج کے ہاسٹل میں رہائش پذیر فرسٹ ائیر کی طالبہ کو نامعلوم افراد نےاغوا کر لیا پولیس نے والد کی رپورٹ پر کالج کی انتظامیہ اور مغویہ کی کلاس فیلو کے خلاف مقدمہ درج کر لیا ہے ۔

جھنگ کے رہائشی غلام قنبر نے پولیس کو درخواست دی کہ اس کی 16 سالہ بیٹی خانیوال روڈ پر واقع ایک کالج میں زیر تعلیم ہے اور کالج کے ہاسٹل میں ہی رہائش پذیر ہے، کالج سے اس کی کلاس فیلو نے فون پر اسے اطلاع دی کہ ان کی بیٹی کالج سے غائب ہے ۔

جس پر وہ ملتان پہنچا کالج انتظامیہ کی اجازت کے بغیر اس کی بیٹی کالج سے باہر نہیں جاسکتی اسے شبہ ہے کہ کالج کی انتظامیہ نے اس کی بیٹی کو اغوا کر لیا ہے جس پر پولیس نے مقدمہ درج کر کے انتظامیہ کو شامل تفتیش کر لیا ہے ، پرنسپل اور چوکیداروں کے بیانات قلم بند کر لئے ہیں ۔

دوسری جانب گجرات کے سرکاری کالج کی ایک اور طالبہ میبنہ طور پر لاپتہ ہوگئی ہے، جس کے بعد ایک ماہ میں لاپتہ ہونے والی لڑکیوں کی تعداد چھ ہوگئی ہیں۔گجرات میں واقع گورنمنٹ سرسید گرلز کالج کی طلبہ جو کہ پھلروان کی رہائشی بتائی جاتی ہے، دو روز قبل کالج آتے ہوئے مبینہ طور پر لاپتہ ہوگئی ، ایک ماہ کے دوران طالبہ کی مبینہ گمشدگی کا یہ چھٹا واقعہ ہے۔