لاہور

پنجاب حکومت کی سرپرستی میں صوبے بھر میں تین سو نیکسٹ جنریشن سکولز قائم کیے جائیں گے ان سکولوں کے قیام کے لیے یونائیٹڈ وی ریچ این جی او کے ساتھ حکومت کا معائدہ طے پا گیا ہے۔

پنجاب کی تمام ڈسٹرکٹ ایجوکیشن اتھارٹیز کے اشتراک سے امریکی این جی او یونائیٹڈ وی ریچ نیکسٹ جنریشن سکولز میں ٹیکنالوجی پر مبنی کلاس رومز کو یقینی بنانے میں معاونت کرے گی۔

اس ضمن میں لاہور میں این جی او کی چیئرپرسن صباحت رفیق ( سابق یو ایس ایڈ کوارڈینیٹر اینڈ کنسلٹنٹ)، وزیر سکولز ایجوکیشن پنجاب رانا مشہود احمد خان کی موجودگی میں معائدے پر دستخط کرنے کی تقریب منعقد ہوئی۔

ایجوکیشن اتھارٹی لاہور کے چیف ایگزیکٹو آفیسر زاہد بشیر گورائیہ نے بھی ایم او یو پر دستخط کیے جس کے تحت پہلے فیز میں لاہور میں دس نیکسٹ جنریشن سکولز قائم ہوں گے۔

نیکسٹ جنریشن سکولز میں جدید طرز کے کلاس رومز ہوں گے جس میں طلباء کے استعمال کیلئے صرف ٹیبلیٹس، کمپیوٹرز رکھے جائیں گے۔ یونائیٹڈ وی ریچ این جی او کیلفیورنیا ایجوکیشن سسٹم کی طرز پر پنجاب کے سکولوں میں ڈیجیٹل ایجوکیشن کا نظام متعارف کرا رہی ہے۔

یہ امریکی این جی او ایف سی کالج لاہور میں لائٹ آف ہوپ سکول اور نیشنل یونیورسٹی آف سائنس اینڈ ٹیکنالوجی (نسٹ) میں کریٹو لرننگ سکول قائم کر چکی ہے۔