راولپنڈی

پنجاب میں تمام تعلیمی اداروں کے سربراہوں کو تعلیمی ادارے کی زمین کسی سرکاری ادارےیا این جی اوز کو بطور عطیہ یا کسی اور صورت میں دینے سے سختی سے منع کر دیا گیا ہے۔

سیکرٹری ایجوکیشن سکولز کے مطابق7جنوری کو ہونیوالے اعلیٰ سطح کے اجلاس میں اس بات کا فیصلہ کیا گیا کہ تعلیمی کے سربراہ سکول کی عمارت کے کسٹوڈین( رکھوالے) ہیں ۔

اجلاس میں فیصلہ کیا ہے کہ سکول کی عمارت کسی بھی صورت میں کسی سرکاری و نیم سرکاری ادارے کو دینے کی اجازت نہیں ہوگی اور سکول کی جگہ صرف سکول کے استعمال میں ہی رہے گی۔

اجلاس میں یہ بھی فیصلہ کیا گیا کہ کسی سکول ہیڈ ماسٹر نے اپنی جگہ کسی اور ادارے کو استعمال کرنے کے لیے دی تو پیڈا ایکٹ کے تحت کارروائی ہوگی۔

سیکرٹری سکولز ایجوکیشن پنجاب نے اس حوالے سے صوبے کے تمام سرکاری سکولوں کے سربراہان کو بذرہہ مراسلہ آگاہ کر دیا ہے۔