پنجاب یونیورسٹی: ایم اے، بی ایس آنرز کی نئی داخلہ پالیسی/ شیڈول کا اعلان

  • 1276 Views
  • ستمبر 8, 2017 6:24 بجے PST

pag1-image

لاہور

پنجاب یونیورسٹی نے تعلیمی سال 2017-18ءکے لئے ایم اے، ایم ایس سی اور بی ایس آنر (4سالہ پروگرام) کے سالانہ داخلوں کے شیڈول اور پالیسی کا اعلان کردیا۔

پنجاب یونیورسٹی کی طرف سے جمعہ کو کیے گئے اعلان کے مطابق مذکورہ بالا پروگراموں میں داخلے 18ستمبر سے شروع ہو کر 28ستمبر تک جاری رہیں گے اور داخلوں کی نگرانیاعلیٰ سطحی داخلہ کمیٹی کرے گی۔

یہ داخلہ کمیٹی تمام شعبہ جات کے ڈینز، ڈائریکٹرز، پرنسپلز آف کالجز پر مشتمل ہو گی اور اس کمیٹی کے سربراہ انجینئرنگ کے سب سے سینئر ترین فیکلٹی ڈین ڈاکٹر محمد تقی زاہد ہوں گے۔

پنجاب یونیورسٹی کے عارضی وائس چانسلر ڈاکٹر ظفر معین ناصر نے اپنے بیان میں کہا ہے کہ 12اکتوبر1882ءکو یونیورسٹی کے قیام سے لے کر اب تک کی یونیورسٹی کی تاریخ میں پہلی مرتبہ ہر سطح پر فول پروف ایسے اقدامات کیے گئے ہیں جن کے تحت کسی دباﺅ میں آئے بغیر شفاف داخلوں کو یقینی بنا دیا گیا ہے۔

انہوں نے کہا ہے کہ داخلہ کے خواہش مند امیدواروں کی طرف سے داخلہ کے لئے جمع کروائے جانے والے حلفیہ بیان میں چند تبدیلیاں بھی کی گئی ہیں جن کے تحت داخلہ لینے والے تمام طلباءو طالبات ملکی قانون کا احترام کریں گے اور بالواسطہ یا بلاواسطہ طور پر ملک دشمن سرگرمیوں میں ملوث ہونے سے گریز کریں گے۔


1 thought on “پنجاب یونیورسٹی: ایم اے، بی ایس آنرز کی نئی داخلہ پالیسی/ شیڈول کا اعلان”

  1. ایسے بیانات ہر سال آتے ہیں اور ہر بار سٹوڈنٹس کو غیر سیاسی رکھنے کے لئے کوئی نا کوئی شق تیار کیے رکھتے ہیں

تبصرہ کیجیے

آپ کا ای میل ایڈریس شائع نہیں کیا جائے گا.