لاہور

پنجاب یونیورسٹی نے تاریخ میں پہلی بار گریجویٹس طلباء کو ایک پلیٹ فارم پر جمع کرنے کا فیصلہ کیا ہے اس ضمن میں پنجاب یونیورسٹی ایلومینائی ایسوسی ایشن قائم کرنے کا اعلان کر دیا گیا ہے۔

پنجاب یونیورسٹی کے تمام شعبہ جات، کالجز اور انسٹیٹیوٹ سے گریجویٹ ہونے والے طلباء ایلومینائی ایسوسی ایشن کی ممبر شپ کے اہل ہوں گے۔

یونیورسٹی نے ایلومینائی ایسوسی ایشن کی ممبر شپ کے لیے ایک ہزار روپے سالانہ فیس مقرر کی ہے جبکہ اووسیز گریجویٹس کی سالانہ فیس 50 ڈالرز مختص کی ہے۔

پنجاب یونیورسٹی نے سرکاری طور پر ایلومینائِی ایسوسی ایشن کی ویب سائٹ بھی بنا دی ہے، یونیورسٹی کے گریجویٹس ویب سائٹ پر بھی اپنی رجسٹریشن کراسکتے ہیں۔

پنجاب یونیورسٹی انتظامیہ نے گریجویٹس کو تاکید کی ہے کہ وہ یونیورسٹی کے خزانچی کے نام پر ایک ہزار روپے کا پے آرڈر یا ڈیمانڈ ڈرافٹ جمع کرانے کے پاپند ہوں گے۔

پنجاب یونیورسٹی نے ایلومینائی کی رجسٹریشن کا اجراء کر دیا ہے مزید تفصیلات ویب سائٹ سے حاصل کی جا سکتی ہیں۔