کراچی

سپریم کورٹ کراچی رجسٹری نے پیپلز یونیورسٹی آف میڈیکل اینڈ ہیلتھ سائنسز فار ویمن نواب شاہ، شہید بے نظیر آباد کے ریٹائرڈ ملازم کو وائس چانسلر بنانے سے متعلق کیس کی سماعت کے دوران عدالت نے استفسار کیا کہ بتایا جائے اعظم یوسفانی نے 30 سال میں کتنی تنخواہ، ٹکٹس اور مراعات حاصل کیں ؟

عدالت نے اعظم یوسفائی کو دی گئی مراعات کی تفصیلات طلب کرتے ہوئے سماعت ملتوی کردی ۔تفصیلات کے مطابق سپریم کورٹ رجسٹری میں جمعرات کوپیپلز میڈیکل یونیورسٹی میں ریٹائرڈ ملازم کو وائس چانسلر بنانے سے متعلق کیس کی سماعت ہوئی۔

عدالت نے پی آئی اے سے وائس چانسلر اعظم یوسفانی کو دی گئی میں مراعات کی تفصیلات طلب کرلیں۔ عدالت نے استفسار کیا کہ بتایا جائے اعظم یوسفانی نے 30 سال میں کتنی تنخواہ، ٹکٹس اور مراعات حاصل کیں ؟ ایڈوکیٹ جنرل نے کہا کہ میڈیکل یونیورسٹی میں تعئناتی کیلئے میڈیکل بیک گرائونڈ کی شرط ہے۔