اسلام آباد

پاکستان الیکڑانک میڈیا ریگولیٹری اتھارٹی نے آج ٹی وی پر نشر ہونے والے دو غیر ملکی پروگرامز کو بند کرنے کے احکامات جاری کر دیے ہیں۔ پیمرا کی جانب سے جاری کیے گئے مراسلہ کے مطابق آج ٹی وی برطانوی نشریاتی ادارے اور امریکی نشریاتی ادارے کے پروگرامز بغیر اجازت کے آن ایئر کر رہا ہے۔

آج ٹی وی پیر سے لے کر جمعہ تک روزانہ سات بجے وائس آف امریکہ کا پروگرام “ویو 360” نشر کر رہا ہے۔

جبکہ آج ٹی وی پر بی بی سی اُردو کا پروگرام “سیربین” پیر سے جمعہ تک رات گیارہ بجے نشر کر رہا ہے۔

مذکورہ دونوں پروگرامز کو نشر کرنے کی پیمرا سے اجازت حاصل نہیں کی گئی۔

پیمرا نے اپنے آرڈیننس 2002ء کے تحت امریکی اور برطانوی پروگرام کو نشر اور نشر مکرر کرنے پر فوری طور پر پاپندی عائد کر دی گئی ہے۔

پیمرا کے مطابق اس حکم نامے پر عمل درآمد نہ کیا گیا تو آج ٹی وی کے خلاف کارروائی عمل میں لائی جائے گی۔