لاہور کی او لیول کی طالبہ تعلیم چھوڑ کر سٹیج اداکارہ بن گئی
- April 15, 2018 5:04 pm PST
نیوز ڈیسک
سٹی سکول سسٹم لاہور کی او لیول کی طالبہ تعبیر برال نے مالی مشکلات کے باعث تعلیم چھوڑ کر پاکستان کی سٹیج انڈسٹری جوائن کر لی ہے۔ تعبیر برال کی عمر سترہ برس تھی جب اس نے کیمبرج سکول سسٹم کو مجبوری کے تحت چھوڑ دیا۔
تعبیر برال کو اپنے والد کے انتقال کے بعد اپنی تعلیم جاری رکھنے میں مشکلات کا سامنا تھا جس کے باعث اس نے سٹیج انڈسٹری جوائن کر لی۔
تعبیر برال نے او لیول تک اداکاری اور رقص کی کوئی باقاعدہ تربیت حاصل نہیں کی اور ان کے والد نے لاہور کے پرائیویٹ سکولز میں اپنی صاحبزادی کو معیاری تعلیم دلوائی۔
تعبیر برال پاکستان کی سٹیج انڈسٹری کی واحد اداکارہ ہیں جو او لیول تک پہنچی ہیں۔
تعبیر برال اپنی والدہ، ایک بہن اور دو بھائیوں کے ساتھ لاہور میں 545 گز کے کرائے کے مکان میں رہتی ہیں۔ والد کے انتقال کے بعد ان کا خاندان مالی مشکلات کا شکار رہا ہے۔
تعبیر برال ایک سال سے لاہور کے تھیٹرز میں پرفارم کر رہی ہیں اور وہ اب تھیٹر کی دُنیا سے وابستہ ہوکر اپنی والدہ اور بہن بھائیوں کے اخراجات پورے کر رہی ہیں۔
Zindgi nam h mar mar me jeie Jane ka