لاہور

پرنسپل این سی اے ڈاکٹر مرتضیٰ جعفری کا کہنا ہے کہ پولیس نے دباؤ ڈال کر این سی اے کو بند کرایا جبکہ کالج انتظامیہ کی جانب سے چھٹیوں کا اعلان ہی نہیں کیا گیا تھا۔

نیشنل کالج آف آرٹس کو گزشتہ روز ایک ہفتے تک کے لیے بند کرنے کا فیصلہ کیا گیا تھا جس کے بعد این سی اے کا ہاسٹل بھی طلباء سے خالی کرا لیا گیا۔

نیشنل کالج آف آرٹس کے پرنسپل ڈاکٹر مرتضیٰ جعفری نے تعلیمی زاویہ سے بات کرتے ہوئے بتایا کہ نہ تو کالج بند کرنے کا فیصلہ کیا گیا تھا اور نہ ہی ہاسٹل کو خالی کرنے کے احکامات کالج کی جانب سے جاری کیے گئے تھے۔

پرنسپل کے مطابق آئی جی پنجاب پولیس مشتاق سکھیرا نے اُنہیں یقین دہانی کرائی ہے کہ کالج اور ہاسٹل کومکمل سیکورٹی فراہم کی جائے گی۔ پرنسپل این سی اے کا کہنا ہے کہ سوموار ستائیس فروری کو روٹین کے مطابق کلاسز اور تدریسی سرگرمیاں جاری رہیں گی اور ہاسٹل میں طلباء کو واپس آنے کی بھی اجازت دے دی گئی ہے۔