لاہور

چیف سیکرٹری پنجاب نے ایم اے او کالج کے پروفیسر آف سائیکالوجی ظفر جمال کو بیسوویں گریڈ میں ہی مذکورہ کالج کا پرنسپل تعینات کرنے کا نوٹیفیکیشن جاری کیا ہے۔

گورنمنٹ سائنس کالج وحدت روڈ کے کیمسٹری کے پروفیسر ڈاکٹر محمد مفکر کو گورنمنٹ کالج راوی روڈ شاہدرہ کا پرنسپل تعینات کیا گیا ہے۔ اس نوٹیفکیشن میں اُن کے فوری تبادلے کے احکامات بھی جاری کیے گئے ہیں۔

اس نوٹیفکیشن کے مطابق گورنمنٹ اسلامیہ کالج ریلوے روڈ کے سیاسیات کے پروفیسر نعیم اکبر یاسین کو دیال سنگھ کالج جبکہ گورنمنٹ کالج فار بوائز ماڈل ٹاؤن کے پروفیسر آف ہسٹری محمد اویس کا تبادلہ کرنے کے بعد اُںہیں گورنمنٹ کالج شالیمار ٹاؤن کا پرنسپل تعینات کر دیا گیا ہے۔

چیف سیکرٹری پنجاب کیپٹن ریٹائرڈ زاہد سعید نے گورنر پنجاب کی حتمی منظوری کے بعد پرنسپلز کی تعیناتی کا نوٹیفکیشن جاری کیا ہے۔