ویب ڈیسک

موبائل فون کی ٹیکنالوجی پر کام کرنے والی کمپنی نے آئی فون کی میموری کو بڑھانے کے لیے یو ایس بی متعارف کرادی ہے۔

آئی کلپس نامی اس ڈیوائس کو آئی فون یوزر اپنے موبائل فون میں لگا سکتے ہیں اوراپنے فون کی میموری کو 128 جی بی تک بڑھا سکتے ہیں۔

آئی کلپس کو صرف آئی او ایس کے لیے تیار کیا گیا ہے۔ اس ڈیوائس کو آئی فون کے علاوہ میک کے علاوہ ایپل کی تمام ڈیوائسز میں استعمال کیا جاسکتا ہے۔

آئی کلپس ڈیول انٹرفیس ڈرائیو 32 جی بی کی قیمت 55 ڈالرز، 64 جی بی کی قیمت 71 ڈالرز جبکہ 128 جی بی کی قیمت 135 ڈالرز ہے۔ یہ ڈیوائس دو رنگوں سفید اور گولڈن رنگ میں متعارف کرائی گئی ہے۔