بھارت: میڈیکل میں داخلوں کیلئے 8 زبانوں میں انٹری ٹیسٹ کی منظوری

  • 328 Views
  • دسمبر 27, 2016 11:28 بجے PST

pag1-image
بھارت کی مرکزی حکومت نے آٹھ زبانوں میں میڈیکل انٹری ٹیسٹ منعقد کرنے کی پالیسی کی منظوری دے دی ہے۔

ویب ڈیسک

بھارت کےمیڈیکل کالجوں میں داخلوں کے لیے دو ہزار سترہ میں انٹری ٹیسٹ آٹھ زبانوں میں لیا جائے گا۔ ان زبانوں میں ہندی ، انگریزی، آسامی، بنگالی، گجراتی، مراٹھی، تامل اور تیلگو شامل ہیں۔ یہ انٹری ٹیسٹ آئندہ سال سے ان زبانوں میں لیا جائے گا۔

یونین ہیلتھ کے وزیر جے۔ پی ناڈا نے رواں سال مئی میں آٹھ زبانوں میں انٹری ٹیسٹ لینے کے لیے اٹھارہ ریاستوں کے وزارت صحت اور ہیلتھ سیکرٹریز کے ساتھ خصوصی میٹنگ کی تھی جس میں میڈیکل کالجوں میں داخلوں کی اس نئی پالیسی کو زیر بحث لایا گیا ہے۔

اس انٹری ٹیسٹ میں شرکت کرنے والے طلباء بھارت کی تمام ریاستوں میں میڈیکل کالجوں میں داخلہ کے لیے اہل تصور کیے جائیں گے۔

میڈیکل ایجوکیشن کے جوائنٹ سیکرٹی اے۔ کے سنگھال نے اپنے بیان میں کہا ہے کہ مرکزی وزارت صحت نے ریاستوں کے ہیلتھ منسٹرز کے ساتھ مشاورت کے بعد متفقہ فیصلہ کیا ہے۔

اس انٹری ٹیسٹ پالیسی کے بعد بھارت کے میڈیکل اور ڈینٹل کالجوں میں داخلوں کے لیے کوئی بھی ریاست الگ سے انٹری ٹیسٹ کا انعقاد کرنے کی مجاز نہیں ہوگی اور صرف ایک ہی انٹری ٹیسٹ آٹھ زبانوں میں لیا جائے گا۔


تبصرہ کیجیے

آپ کا ای میل ایڈریس شائع نہیں کیا جائے گا.