اسلام آباد

ہائر ایجوکیشن کمیشن پاکستان نے یونیورسٹی آف چکوال میں داخلوں کو غیر قانونی قرار دے دیا ہے اور اس ضمن میں طلباء، والدین کو آگاہ کیا ہے کہ اس یونیورسٹی میں داخلہ ہرگز مت لیں۔

ایچ ای سی نے یونیورسٹی آف چکوال سے متعلق اخبارات میں اشتہار دینے کے ساتھ اپنی ویب سائٹ پر بھی اس غیر قانونی اور غیر منظور شدہ یونیورسٹی میں داخلوں سے منع کیا ہے۔

شاہ ملتانی روڈ پر واقع یونیورسٹی آف چکوال کی جانب سے جاری کی جانے والی کسی بھی ڈگری کو ہائر ایجوکیشن کمیشن نے تصدیق کرنے سے انکار کر دیا ہے اور ایچ ای سی سے یہ کیمپس الحاق شدہ نہیں ہے۔

ایچ ای سی نے طلباء کو الرٹ کیا ہے کہ وہ کسی بھی یونیورسٹی میں داخلہ لینے سے پہلے اس کی قانونی حیثیت کو ضرور کمیشن کی ویب سائٹ پر چیک کر لیں۔